Call Us
Email Usകുട്ടികളെ വരവേറ്റ് വർണ്ണാഭമായ പ്രവേശനോത്സവം
കുരുന്നുകൾക്കായി പ്രത്യേക ആഘോഷം സംഘടിപ്പിച്ച് ശ്രീ വിജയാനന്ദ വിദ്യാപീഠം. ഇത്തവണ കെ.ജി പ്രവേശനോത്സവത്തിന് നൂറിൽപ്പരം കുരുന്നുകൾ സന്നിഹിതരായിരുന്നു. വിനോദ് നരനാട്ടിന്റെ കിറ്റി ഷോ ഏവരേയും ചിരിപ്പിക്കുകയും ചിന്തിപ്പിക്കുകയും ചെയ്തു. പ്രശസ്ത കവി റോയ് വർഗീസ് പൂച്ചേരിയെ ചടങ്ങിൽ ആദരിച്ചു.
സ്കൂൾ രക്ഷാധികാരി കുമ്മനം രാജശേഖരൻ (മുൻ മിസോറാം ഗവർണർ ) അദ്ധ്യക്ഷത വഹിച്ച ചടങ്ങിൽ സ്കൂൾ മാനേജർ അജയകുമാർ വല്യുഴത്തിൽ സ്വാഗതം പറഞ്ഞു.സ്കൂൾ പ്രിൻസിപ്പൽ ലത.എസ്, മുഖം പത്രാധിപൻ അനിൽ പെണ്ണുക്കര, എ.കെ.ഉണ്ണികൃഷ്ണൻ എന്നിവർ ആശംസ അറിയിച്ചു.
2024-2025 അദ്ധ്യയന വർഷം പത്താം ക്ലാസ്സിൽ യഥാക്രമം ഒന്ന്,രണ്ട്, മൂന്ന്, സ്ഥാനം കരസ്ഥമാക്കിയ നന്ദിനി കൃഷ്ണൻ, സൂര്യനന്ദന.വി,നിവേദ്യ കലേഷ് എന്നിവരെ ക്യാഷ് അവാർഡ് നൽകി അനുമോദിച്ചു. നൂറ് ശതമാനം വിജയം കൈവരിക്കാൻ സഹായിച്ച മറ്റ് കുട്ടികളേയും അനുമോദനങ്ങൾ അറിയിച്ചു
കെ.ജി സെക്ഷൻ ടീച്ചർ പ്രഭ രവീന്ദ്രൻ കൃതഞ്ജത പറഞ്ഞ ചടങ്ങ് കുട്ടികളെ മധുരം നൽകി ക്ലാസ്സുകളിലേക്ക് പ്രവേശിപ്പിച്ചതോടെ അവസാനിപ്പിച്ചു.
