Call Us
Email Usസി.ബി.എസ്.ഇ പത്താം ക്ലാസ് : മൂന്നാം ഭാഷ നിർബന്ധം
Posted On : July 22, 2026
ന്യൂഡെൽഹി: സി.ബി.എസ്.ഇ പത്താം ക്ലാസ് വിദ്യാർഥികൾക്ക് 2027-28 അധ്യയന വർഷം മുതൽ മൂന്നാം ഭാഷ നിർബന്ധമാക്കി കേന്ദ്രസർക്കാർ.സ്കൂൾ തല മൂല്യനിർണയത്തിൽ മൂന്നാം ഭാഷയിൽ വിജയിച്ചാൽ മാത്രമേ പത്താം ക്ലാസ് പാസ് സർട്ടിഫിക്കറ്റ് ലഭിക്കൂ. ദേശീയ വിദ്യാഭ്യാസ നയം (NEP 2020) നടപ്പാക്കുന്നതിന്റെ ഭാഗമായാണ് പുതിയ നിർദേശം.
പുതിയ സംവിധാന പ്രകാരം മൂന്നാം ഭാഷയ്ക്ക് ബോർഡ് പരീക്ഷ ഉണ്ടാകില്ല.പകരം,ബന്ധപ്പെട്ട സ്കൂൾ നടത്തുന്ന ഇൻ്റേർണൽ മൂല്യനിർണയത്തിന്റെ അടിസ്ഥാനത്തിലായിരിക്കും വിദ്യാർഥികളുടെ പ്രകടനം വിലയിരുത്തുക.
ഈ മൂല്യനിർണയത്തിൽ വിജയിക്കാത്തവർക്ക് സി.ബി.എസ്.ഇ സെക്കൻഡറി സ്കൂൾ പരീക്ഷയുടെ പാസ് സർട്ടിഫിക്കറ്റ് ലഭിക്കില്ല.
2026-27 അദ്ധ്യയന വർഷത്തിൽ ഒൻപതാം ക്ലാസിൽ പ്രവേശിക്കുന്ന വിദ്യാർഥികൾക്കാണ് പുതിയ ചട്ടം ബാധകമാകുക. അവർ 2027-28ൽ പത്താംക്ലാസിലെത്തുമ്പോഴാണ് ഈ മാനദണ്ഡം പ്രാബല്യത്തിൽ വരിക.
