Call Us
Email Usവിദ്യാർത്ഥികൾക്ക് ആശയങ്ങൾ സമർപ്പിക്കാൻ അവസരം
കേന്ദ്ര ശാസ്ത്ര -സാങ്കേതിക വകുപ്പും ദേശീയ ഇന്നവേഷൻ ഫൗണ്ടേഷനും ചേർന്ന് നടത്തുന്ന ‘ഇൻസ്പയർ-മനക് ’ പദ്ധതിയിലേക്ക് വിദ്യാർഥികൾക്ക് ആശയങ്ങൾ സമർപ്പിക്കാൻ അവസരം.
സ്കൂളുകൾ വഴി സമർപ്പിക്കുന്ന മികച്ച ആശയങ്ങൾക്ക് പ്രാഥമിക രൂപം തയാറാക്കുന്നതിനായി 10,000 രൂപ വീതം സാമ്പത്തിക സഹായം ലഭിക്കും.
അപേക്ഷിക്കേണ്ട അവസാന തീയതി സെപ്റ്റംബർ 15
സ്കൂളുകളിൽ ലഭിക്കുന്ന അപേക്ഷകളിൽ നിന്ന് ഏറ്റവും മികച്ച 5 ആശയങ്ങൾ വരെ പ്രധാനാധ്യാപകർക്ക് https://inspireawards-dst.gov.in എന്ന ഔദ്യോഗിക പോർട്ടൽ വഴി സമർപ്പിക്കാം.
മലയാളത്തിലും ആശയങ്ങൾ നൽകാം.
രാജ്യത്താകെ പ്രാഥമിക പരിശോധനയിലൂടെ തിരഞ്ഞെടുക്കുന്ന ഒരു ലക്ഷം ആശയങ്ങൾക്ക് 10,000 രൂപ വീതം ബാങ്ക് അക്കൗണ്ട് വഴി നൽകും.
തുടർന്ന് ജില്ലാ, സംസ്ഥാന തലങ്ങളിൽ മത്സരങ്ങളും പ്രദർശനവും നടക്കും.
സംസ്ഥാന തലങ്ങളിൽനിന്ന് തിരഞ്ഞെടുക്കപ്പെടുന്ന 1,000 ആശയങ്ങൾ ദേശീയ ഇന്നവേഷൻ ഫൗണ്ടേഷന്റെ സഹായത്തോടെ വികസിപ്പിക്കുകയും ദേശീയതല മത്സരത്തിൽ പങ്കാളികളാക്കുകയും ചെയ്യും.
ഇതിൽനിന്ന് തിരഞ്ഞെടുക്കപ്പെടുന്ന ഏറ്റവും മികച്ച 60 ആശയങ്ങൾ വിദഗ്ദ്ധ സ്ഥാപനങ്ങളുടെ സഹകരണത്തോടെ വിപണിയിലിറക്കാവുന്ന ഉൽപന്നങ്ങളാക്കി മാറ്റും.
ദൈനംദിന ജീവിതത്തിലെ പ്രശ്നങ്ങൾ പരിഹരിക്കുന്നതോ നിലവിലെ സംവിധാനങ്ങൾ മെച്ചപ്പെടുത്തുന്നതോ ആയ ആശയങ്ങളാകണം നൽകേണ്ടത്.
വീട്,കൃഷി,തൊഴിൽ തുടങ്ങിയ മേഖലകളുമായി ബന്ധപ്പെട്ട വിഷയങ്ങൾ തിരഞ്ഞെടുക്കാം.
പുതുമ, ഉപയോഗക്ഷമത, പാരിസ്ഥിതിക സ്വാധീനം,വാണിജ്യ സാധ്യത എന്നിവയാണ് മൂല്യനിർണയ ഉപാധികൾ.
അപേക്ഷിക്കുന്നതിനു മുൻപ് പോർട്ടലിലെ ‘ഇൻഫോ കോർണർ’ പരിശോധിച്ച് മാർഗനിർദേശങ്ങൾ മനസ്സിലാക്കണം.
